තරඟ කොන්දේසි

ඇතුල්විමේ නීති සහ කොන්දේසි

තරගය, ඕනෑම අයෙකුට විවෘතය. එනමුත්, කිසියම් ඡායාරූපයක් තරග නීති සහ කොන්දේසිවලට අනුකූල නැතැයි තරග අනුග්‍රාහකයන්ට හැගී ගිය ඕනෑම අවස්ථාවක අයදුම්පත්‍රය ප්‍රතික්ෂේප විය හැකිය.

සියලු නිර්මාණ ඡායාරූප ලෙස නිර්මාණය කල ඒවා (එනම් ආලෝක සංවේදීතාවය උපයෝගි කරගනිමින් සේයාපටල මත හෝ ඩිජිටල් සංවේදක මත අනාවරනය කරන ලද අරමුණුවල රූප) විය යුතු අතර ඒවා ඩිජිටල් මාධ්‍ය මගින් ඉදිරිපත් කල හැකිය.

සියළු ඡායාරූප “කාලගුණ විපර්යාසය“ යන තේමාවට අදාල විය යුතුය. (කාලගුණය පිලිබද ඡායාරූපද, ලෝක කාලගුණික විපර්යාසයන් මිනිසා සහ පරිසරයද ඇතුලත්ව ශාක සහ සත්වයන්ට බලපාන ආකාරයද මෙයට ඇතුලත්ය). තරගකරුවන් අන්තර්ජාතික ඡායාරූප කලා සම්මේලනයෙන් (FIAP) ප්‍රකාශිත මෙහි පහත දැක්වෙන සොබාදහම පිලිබද නිර්වචන අනුගමනය කල යුතුය.

තරගයට  ඡායාරූප ඉදිරිපත් කිරීමෙන් අයදුම්කරුවන් ජාතික ඡායාරූප ශිල්පීන්ගේ සංගමය විසින් එය මුදල් නොගෙවා තරගයට අදාලව මාධ්‍ය තුල හෝවෙබ් අඩවියක පලකිරීමද ඇතුලත්ව ප්‍රදර්ශනය කිරීමට සහ ප්‍රකාශයට පත්කිරීමට එකගවෙයි. තරගයට ඡායාරූප අයදුම් කිරීම මගින් ඇතුලත්වීමේ නීති සහ කොන්දේසි පිලිගත් බවද ඇගවෙයි.

ඡායාරූපයේ  හිමිකරුවා අයදුම්කරුවාම විය යුතුය. බුද්ධිමය හිමිකම් අවභාවිතා කිරීම පිලිබද කිසිදු වගකීමක් සංගමය විසින් දරනු නොලැබේ.

“ FIAP අනුග්‍රහය යටතේ පවත්වන තරගයකට සිය ඡායාරූප ඉදිරිපත් කිරීම මගින්, තමා FIAP සාමාජිකයෙකු නොවන විටක පවා, තමා ඉදිරිපත් කරන ලද ඡායාරූප FIAP නීති සහ නිර්වචනවලට අදාලදැයි පරීක්ෂා කිරීමට සම්පූර්ණ කැමැත්ත අයදුම්කරුවා පලකර සිටියි. මෙහිදී FIAP සමග සහයෝගීව කටයුතු කිරීම ප්‍රතික්ෂේප කිරීම හෝ කැමරාවෙන් ගන්නා ලද මුල් ඡායාරූප ඉදිරිපත් කිරීමට අසමත්විම හෝ වෙනත් ප්‍රමාණවත් සාක්ෂි ඉදිරිපත් කිරීමට අසමත්වීම FIAP මගින් දඩුවම් කිරීමට ලක්වනු ඇත. FIAP නීති සමග අනුකූලවීමට නොහැකිවූවිටක, FIAP නීති උල්ලංඝනය දැනුම්දීමට අදාල ඕනෑම ආකාරයකින් අයදුම්කරුවාගේ නම ප්‍රසිද්ධ කෙරෙනු ඇත. අයදුම් කිරීමේදීම අදාල ගොනු සමග වෙනස්කිරීමට පෙර පවතින EXIF දත්ත ලබාදීමෙන් පසුකාලීන විභාගකිරීම් පහසු කෙරෙනු ඇත.”

සෑම අයදුම්කරුවෙකුටම වර්ණ ඡායාරූප හෝ ඒකවර්ණ ඡායාරූප උපරිම වශයෙන් හතරක් (04) ඉදිරිපත් කල හැකිය. ඇතුල්වීමේමේ ගාස්තුව රහිතව ඉදිරිපත් කරන ලද ඡායාරූප විනිශ්චයට ගනු නොලැබේ.

අයදුම්කරුවන් සිය ඡායාරූප NAPSL හි වෙබ් අඩවිය වන www.napsl.com හරහා අයදුම් පත්‍ර පුරවා උඩුගත (Upload) කල යුතුය. JPEG ගණයේ ඩිජිටල් ඡායාරූප sRGB වර්ණ පරාසය යටතේ ඉදිරිපත් කල යුතුය. නිර්දේශිත විභේදනය 300 dpi වන අතර, උපරිම තිරස් මානය පික්සල් 1400ක්ද, උපරිම සිරස් මානය පික්සල් 1050ක්ද වෙයි. ගොනුවක ප්‍රමාණය උපරිම වශයෙන් මෙගා බයිට් 2ක් (2 MB) විය යුතුය. මුද්‍රිත හෝ තැටි මගින් එවනු ලබන ඡායාරූප භාරගනු නොලැබේ.

හැම ඡායාරූපයකටම එයටම සුවිශේෂී මාතෘකාවක් තිබිය යුතුය. ඡායාරූපයේ නම හෝ නමෙහි කොටසක් ලෙස “Untitled” සහ “No Title” වැනි වචන නොපැවතිය යුතුය. එසේම ඡායාරූපය ගන්නා මොහොතේදී කැමරාවේ සටහන්වන අංකමය ගොනු නමද (Camera File Name) ඡායාරූප මාතෘකාවක් ලෙස නොයෙදිය යුතුය.

හැම අයදුම්කරුවෙකු වෙතම උසස් තත්ත්වයේ නාමාවලියක් ලබාදෙනු ලැබේ.

ස්වාභාවධර්ම (Nature) ඡායාරූප පිලිබද නිර්වචනය (FIAP/PSA/RPS)

හොදින් දැනුවත් පුද්ගලයෙකුට අදාල විෂය කාරණය හදුනාගැනීමටත්, එය නිර්ව්‍යාජ ලෙස ඉදිරිපත් කර ඇතිබව සහතික කර ගැනීමට හැකි වන පරිද්දෙන් නිර්මාණය කරන ලද ස්වාභාවික ඉතිහාසයට අයත් සියළු ශාඛාවන් ඡායාරූපකරණය ඇසුරින් ඉදිරිපත් කිරීම ස්වාභාවික ඡායාරූපකරණයට අයත්වෙයි. (කෙසේවුවද මානව විද්‍යාව සහ පුරාවිද්‍යාව යන ක්ෂේත්‍ර ඉහත ශාඛාවන් අතරට ගැනෙන්නේ නැත). ඡායාරූපයේ ඇති කතාවක් කීමේ ගුණය, එහි ඇති රූපමය වටිනාකමට වඩා ඉහල තැනක ලා සලකනු ලැබෙයි. (මිනිසා විසින් නවීකරණය කරන ලද පරිසරයක විසීමට අනුවර්තනය වී ඇති සුදුබඩ සහිත බකමූණන් සහ කොකුන් වැනි) අදාල විෂය කාරණයෙහි සොබාදහම් කතාව විස්තර කිරීමේදී මිනිස් අංගයන් අත්‍යවශ්‍ය වන සහ (කුණාටු හෝ ජලගැලීම් වැනි) ස්වාභාවික බලවේගයන්ගේ බලපෑම විස්තර කිරීම සදහා මිනිස් අංගයන් අත්‍යවශ්‍ය වන අවස්ථාවන්හිදී හැරෙන්නට, මිනිස් අංගයන් ඡායාරූපය තුල නොපැවතිය යුතුය. වන සතුන් සිටින තැන හදුනාගැනීම සදහා ඔවුන් වෙත පලදන scientific bands, scientific tags හෝ radio collars වැනි දේ සතෙකුට පලදා ඇති අවස්ථාවන්ට අවසර දෙනු ලැබේ. මිනිසුන් විසින් මුහුන් කරන ලද ශාඛ, වගා කරන ලද ශාඛ, හීලෑවෙන් මිදුනු සතුන්, ගෘහාශ්‍රිත සතුන් හෝ කිසියම් ආකාරයකට (උදා- ආධාරක ඇසුරින් ආදී වශයෙන්) පිහිටුවන ලද සාම්පල යනාදිය ඇතුලත් ඡායාරූප අවලංගුවේ. රූපමය කොටස් එකතු කරන, වෙනත් තැනක පිහිටුවන, ආදේශකරවන, හෝ ඉවත් කරන කිසිදු තාක්ෂණයක් සදහා අවසර දෙනු නොලැබේ. අවසර දෙනු ලබන එකම පසු සැකසුම් තාක්ෂණය වන්නේ ප්‍රමාණය කප්පාදුව (cropping)යි. ඡායාරූපයේ රූපමය අඩංගුව සහ සොබාදහම් කතාව වෙනස් නොකරමින් හෝ, මුල් දර්ශනයේ අඩංගුව වෙනස් නොකරමින් හෝ ඡායාරූපයේ ඉදිරිපත් කිරීම වැඩි දියුණු කරන HDR, focus stacking and dodging/burning වැනි තාක්ෂණයන්ට අවසර දෙනු ලැබේ. ඩිජිටල් ඝෝෂාව සහ පටල සීරීම් වැනි, කැමරාව මගින් ඡායාරූපයට එක්වන අංගයන් ඉවත් කරන තාක්ෂණයන් වෙත අවසර දෙනු ලැබේ. පුරුද්දන ලද ඡායාරූපවලට අවසර දෙනු නොලැබේ. අවසර දෙන ලද සකස්කිරීම් සියල්ල ස්වාභාවික ලෙස දිස්විය යුතුවෙයි. වර්ණ ඡායාරූප, ඒකවර්ණබවට හැරවිය හැකිය. අධෝරක්ත ඡායාරූපයන්ට අවසර දෙනු නොලැබේ.

ස්වාභාවික ඡායාරූපකරණය පිලිබද ඉහත නිර්වචනයට අදාලව සොබාදහම් ධාරාව යටතේ ඉදිරිපත් කෙරෙන ඡායාරූපවලට භූමි දර්ශනයන්, භූවිද්‍යාත්මක නිර්මාණයන්, කාලගුණික සංසිද්ධි, විද්‍යාමාන ජීවීන් වැනිදේ ප්‍රධාන විෂය කාරණය වශයෙන් පැවතිය හැකිය. සත්වෝද්‍යාන, උද්භිද උද්‍යාන, මත්ස්‍යාගාර සහ අදාල සත්වයන් ආහාර වෙනුවෙන් මිනිසා මත පරායක්ත වන සංවෘත කලාපයන් වැනි, මිනිසා විසින් පාලනය කරන වටපිටාවක සිටින විෂයන්ගේ ඡායාරූපද මෙයට ඇතුලත්ය.